Efnaskiptaaðgerðir

Leiðin að léttara lífi

Medical Travel býður upp á efnaskiptaaðgerðir fyrir fólk með BMI á milli 32-55+.

Gegnum samstarfsaðila okkar á Sigulda sjúkrahúsinu í Lettlandi býður Medical Travel upp á efnaskiptaaðgerðirnar magaermi (Gastric Sleeve) og magahjáveitu (Gastric Bypass). Báðar aðgerðirnar, ermi og hjáveita eru framkvæmdar með kviðsjá, sem dregur úr hættu á fylgikvillum og gerir það að verkum að einstaklingurinn nær sér hraðar eftir aðgerðina.

Magaermi

Magaermi (gastric sleeve) er árangursrík og tiltölulega einföld aðgerð og vinsældir hennar hafa aukist mikið undanfarin ár. Magaermi er megrunaraðgerð sem hentar einstaklingum með BMI yfir 32. Aðgerðin felur einungis í sér minnkun á maga, og ekki er hreyft við þörmunum eins og gert er í hjáveituaðgerðinni. Þegar magaermi er framkvæmd eru u.þ.b. 85% af maganum fjarlægður, sem gerir það að verkum að þú finnur fyrr fyrir seddu og matarlystin minnkar.

Magahjáveita

Hjáveita (gastric bypass) er algengasta aðgerðin við því sem læknisfræðilega er skilgreint sem sjúkleg ofþyngd. Hjáveitan hefur sannað sig til margra ára og hefur skilað mjög góðum langtímaárangri. Hún er af mörgum talin vera gullstandardinn þegar kemur að megrunaraðgerðum. Í magahjáveitu er u.þ.b. 95% af maganum aftengt. Þannig er aðeins 5% af maganum sem tekur á móti fæðu. Þetta veldur því að einstaklingurinn getur einungis borðað mjög lítið í einu. Fæðuinntaka stjórnast sjálfkrafa þar sem maður finnur fyrir ónotum í maganum ef maður borðar of mikið í einu.